ፍቓድ ኣምላኽ

ጸሎት ክንጽሊ ኣሎና፡ መልሲ ምእንቲ ኽንረክብ እዘን ክልተ ነገራት ኣገደስቲ እየን። ጸሎት ስቕ ኢልካ፡ ንንፋስ ምዝራብ ወይ ድማ ኣብ ጸልማት ምትኳስ ኣይኰነን። ናብ መን ከም እንጽሊ፡ እንታይ ከም እንጽልን መልሲ ጸሎት ከም ዘሎን ፈሊጥናን ኣሚንናን ኢና እንጽሊ። እብ 11፡6' ብዘይ እምነት ግና ንኣምላኽ ከስምርዎ ኣይከኣልን እዩ። እቲ ናብ ኣምላኽ ክመጽእ ዝደሊ፡ ንሱ ከም ዘሎን ነቶም ዝደልይዎ ዓስቢ ከም ዝህቦምን ክኣምን ይግብኦ እዩ' ይብለና።

 

ተስፋታት ኣምላኽ ኣብኡ(ማለት ኣብ ኣምላኽ) እወ እዩ፡ 2 ቈረ 1፡20። ስለዚ፡ ኣምላኽ ነቲ ዝኣምን ኵሉ ይከኣል እዩ፡ ይብል። ማር 9፡23። ኣብዛ ካልኣይቲ ጥቕሲ እንተተመልከትና የሱስ ናብዛ ምድሪ ካብ ዘምጽኦ፡ ሓደ ከምቲ ኣብ ሉቃ 4 ተጻሒፉ ዘሎ፡ ንእሱራት ምውጻእ ሓራ ክገብር እዩ። ኣብ ግብ 10፡38'ውን ነቶም ሰይጣን ዝሰዓሮም ኵሎም እናሕወየ፡ ይብል። ስለዚነ፡ ነቲ ወዱ ብኣጋንንቲ ተታሒዘኩ ዝተሸገረ ሰብኣይ፡ እቲ ተስፋ ኣምላኽ እወ እዩ ነይሩ። ግን ብሸነኽ እቲ ሰብኣይ እምነት ይድለ ነይሩ። 

ኣብ ሓደ ውሱን ጉዳይ ፍቓድ ኣምላኽ እንታይ ምኳኑ እንተፈሊጥና፡ እቲ ዝለመንናዮ ነገር ንኽፍጸም እምነትና ወሳኒ እዩ። ኣብ ካልእ ክፍሊ ወንጌል፡ ዕላማ የሱስ ከምዚ ኣብ ላዕሊ ዝረኣናዮ ክነሱ፡ ብዘይ ምእማኖም ግና ምንም ሓይሊ ክገብር ከም ዘይከኣለ ነንብብ። ማር 11፡24 ከኣ ኣንብብ። ስለዚ እቲ ዝኣምን ሰብ ከም ዝተቀበለ እናኣመነ እዩ ዝጽሊ። እምነት ግና ኣምላኽ ከም ዝኽእል ምእማን  ወይ ምፍላጥ ጥራይ ማለት ኣይኰነን። ነዚሞ እቲ ዘይኣምን ሰብ ጥራይ ዘይኰነ ሰይጣን'ወéን ይኣምን እዩ። እምነት ግና ኣምላኽ ከም ዝኽእልን፡ ነቲ ዝለመንካዮ ሕጂ ከም ዝተቀበልካዮን ተኣሚንካ ምምስጋንን እዩ።

በቲ ሓደ ወገን ድማ ብዛዕባ እቲ እንጽልዮ ነገር ፍቓድ ኣምላኽ ምኳኑ ምፍላጥና ንእምነትናን ንመልሲ ጸሎትናን ሓጋዚ እዩ። ፍቓድ ኣምላኽ ግሉጽ እዩ። ኣምላኽ ንፍቓዱ  ዘይፍለጥ ሚስጢር ኣይገበሮን፡ ንፍቓዱ ኣፍሊጡ እዩ። ንዓና ብግሊ ድማ ብዝተፈላለየ የፍልጠና እዩ፡ ፍልጠናን ክመርሓናን ድማ ቃል ኣትዩ እዩ። ገለ ካብቲ ፍቓዱ ዘፍልጠና መገድታት እዞም ዝስዕቡ እዮም።

1. ቃሉ መጽሓፍ ቅዱስ እቲ ግሉጽ ፍቓድ ኣምላኽ ንዓናን፡ ንዕለታዎñ ምርሒት ዝኾነናን ቃል ኣምላኽ ዘለዎ መጽሓፍ እዩ። ስለዚ ነቲ ሓፈሻዎñ ፍቓድ ኣምላኽ ኣሜን ክንብሎ ይግባእ። ንኣብነት ሓደ ዝሓመመ ክርስትያን፡ ክፍወስ ድዩ ኣይፍወስን፡ ፈሊጥካ ንምጽላይ ኣምላኽ ተወሳኺ ፍሉይ ምርሒት ክሳብ ዘይሃበ ቃል ኣምላኽ ብቑስሉ ኢኺም ዝሓወኩም ስለ ዝብል ከም ዝፍወስ ኣሚንካ ጸሊና ከተመስግን፡ ዘኽእለካ ንጹር ቃል ፍቓድ ኣምላኽ ኣሎካ።

2. ምስክርነት ኣብ መንፈስናን ካብ ኣሕዎትን። ነዚ ክልቲኡ ብሓደ ኣርእስቲ ጌርናኳ እንተተዛረብናሉ ፍቓድ ኣምላኽ መጀመርታ ኣብ መንፈስና ምስክርነት ይህብ እዩ። እዚ ዝኾነሉ ድማ፡ ዳግም ዝተወልደ ሰብ ህያው ዝኾነ መንፈስ ስለ ዘለዎን ማሕደር መንፈስ ቅዱስ ስለ ዝኾነን፡ ኣምላኽ ነቲ ሰብ ክዛረቦ ዝደሊ ዝኾነ ይኩን ነገር ኣብ መንፈሱ ክዛረቦ ይኽእል እዩ። ካብ ኣሕዎት ድማ ተመሳሳሊ ምስክርነት እንተሎ እዚ ፍቓድ ኣምላኽ ፈሊና ንምፍላጥ እኩል መረጋገጺ እዩ።

3. ኵነታት። ሓደ ሓደ እዎን ኵሉ ነገር ኣብ መጽሓፍ ቅዱስ ስለ ዘይተጻሕፈ ጥራይ፡ ፍቓድ ኣምላኽ ፈሊና ንምፍላጥ ዘሸግረና እዎናት ኣሎ። ንመገሻ፡ ንስራሕ ካብ ክልተ ነገራት ንምምራጽ፡ ፍቓድ ኣምላኽ ኣየናይ ምኳኑ ንምፍላጥ ኣምላኽ ኣብ ኵነታትካ ዝገብሮ ነገር ኣስተብህል። እዚ ምናልባት ምስቲ ኣብ ላዕሊ ጠዊስናዮ ዘሎና ሓቢሩ ዝይድ ነገር እዩ።

4. ብትንቢት። ኣምላኽ ነቲ ድሮ ኣብ ልብና ክገብሮ ጀሚሩ ዘሎ ነገር ብትንቢት ከረጋግጸልካ ይኽእል እዩ። ግብ 13፡1-3 ኣንብብ።

ስለዚ ኵሉ ጊዜ መልሲ ዘለዎ ጸሎት ንምጽላይ እዘን ክልተ ነገራት ዘይፈላለያ እየን። ፍቓድ ኣምላኽን እምነትን። ኣብዚ ሓድሽ ዓመት ዘሎና ራእይ እንታይ እዩ? እግዚኣብሄር እቲ ዳሕረዎይ ዝናብ ከዝንበልና እሞ ወንጌል ብድንቅን ብተኣምራትን ክሰፍሕ ነፍሳት ድማ ክድሕነኩ፡ ኣምላኽ ዓቢ ዝኾነ ነባሪ ምንቕቓሕ ክህበና ስሙ ኣብ ሃገርና ኽፍለጥን ኽፍራህን፡

-እግዚኣብሄር ምድራዎñ ሰላም ክህበና፡ ካብ ኵናት ከዕርፈና፡ ደጊም ዝፈስስ ደም ብንቱ ትጠፍእ ነፍሲ ኣብ ምድርና ይህሉን፡ ሃዲእና ብዘይ ህውከት ንኣምላኽ ከነምልኽን ብኣዝመራን ብጠልን ክንባረኽ ደርቅን ፌራን ካብ ምድርና ኽጠፍእ፡

እዚ እምበኣር ብምልኡ ፍቃድ ኣምላኽ እዩ። በዚ ኣብ ላዕሊ ዝጠቐስናዮ ፍቓድ ኣምላኽ ንምፍላጥ እንጥቀመሉ ኣገባብ ተጠቂምና እንተ መርመርናዮ ፍቃዱ ኰይኑ ኢና እንረኽቦ። ስለዚ ነቲ ድሮ ኣምላኽ ኣብ ልዕሌና 'እወ' ኢልዎ ዘሎ  ንሕና ድማ ኣሜን ኢልና ንቀበሎ። እቲ ናይ ምእማንና ሊቀ ካህናት ዝኾነ የሱስ ድማ ንሱ ኣሜንን እሙንን ስለ ዝኾነ ነቲ ንሕና ዝተኣመንናዮ  ሒዘኩ ኣብ ኣምላኽ ክረኣየልና እዩ። ስለዚ ደöማ እዩ ኣብ ዮሃ 14፡14 ብስመይ ሓደ ነገር እንተለመንኩም ክገብረልኩም እየ ዝብል